2020.10.5收到訊息。
要執行拍攝前後製完成一個製作， 乜資訊都無，會有幾混亂呢?
寫咁長，大家可能睇幾行就走， 預咗啦 !
宣傳片製作花絮:
(多謝73(F5)校友William Ng:航拍。)
約5/10收到訊息：問我8/10/2022 (周末) 早上9-11 "得唔得閒"。
兩個鐘可以做啲乜？大家都睇得好簡單。事實就唔係咁簡單。
我都知乜料啦!
我12點要預咗去打網球，如果甩得身，都夠時間走既。
不停咁問，嚟料啦：要拍 ……列出名單、無主題、無對白、無道具、會有制服、要走場地……咁神秘！
咁我要點分組拍：無意見、對白：無意見！全人類到時會出現，梗係唔會啦！
我都從未做過呢類製作喎。咁俾面。
其實，學校啲同學做唔做到呢?
問吓、問吓：原來係推廣RC65TH 65周年網上步行籌款（*）。
咁個apps 係點呢？未有！
其實，咁有無邊個正正式式叫我去做，就得啦。
估咗3日，星期六就要面對不少於30人既分組拍攝。
講明：呢樣嘢係我由做電視節目剪接，到製作資源管理過程，到現在我都係第一次負責拍呢啲嘢。我跟本唔係做呢科。
（*）2023年1月最新消息：若果公共活動限聚令有所放寬，估計會在3月舉行實體步行籌款活動。
展開行動:
1. 即刻列出一張Excel 表：有出席人物、時間、場地、道具、制服、人物、重點口號/對白、鏡頭要拍既手法、分段及連接位等。
實際現場只有兩小時，真係會拍成點？我好懷疑。
現場既支援同學可點樣幫到手呢？
2. 仲有對白要提及步行籌款係要用手機apps。
人物有分開：先拍中學部校董/教職員代表、學生會/家教會/校友會(後來愈加愈多，要分咗3次拍攝)及小學部相關代表(分咗兩次拍攝)。
3. 多謝73(F5)校友William Ng:做航拍。
另Sunny Chan 及Vicent Choi 做現場支援。
Lionel Sun 85(F5) 就負責接送交通及送遞物資等。
註：如果現場只有我一個人拍攝，根本無可能。
4. 前期製作重點：大班人唔可以重覆用同一款對白。
要有創意就自言自語：要我自己想像一啲好生動既口號/重點對白等。
5. 要印備好多張貓紙 "現場Action Plan" 既明細表，分組解釋俾各人佢地知點樣配合拍攝。
我擔心各組人員唔知到場要做乜嘢；事前兩日要不停更新訊息，用即時通訊Whats App提點組長通傳大家要留意什麼！(又係我負責哂！)
6. 要帶攝影器材及無線錄音咪：因為要收錄清楚既對白。
我決定唔帶 "相機穩定器"：唔想操作過程有阻慢。
7. 星期六早上，準時8點半到達學校，提醒所有人員準時9點換好衫及輪流開拍，自度多啲生動既對白及走位等。
當天早上，所有拍攝程序，只係超時了20分鐘，好理想。
早上陽光好猛烈，返到屋企至發覺全手腎都哂到鴛鴦色，仲勁過我炎夏打網球。
一句講哂：現場換制服、整理隊形、夾對白、修改、拍攝、要逐組拍攝、多拍幾款對白(剪片保險用)。收工。
順帶講吓:-
電視台年年都有好多急症：就係咁。
老闆監製接咗啲唔知乜 job，是但搵個導演可能係唔大唔小規模製作，要即刻起動。(#)
好似大地震，海嘯，政改，選舉，社運，抗中等，都要抽調人手。
要一條龍趕落去。如果無資源預算 (*)，就會打哂交：製作部又要搶人手。
大家一齊忙。
又要揀人，就會好混亂。
試過整個大剪接室: 全部動員同一時間去製作同一集故事，即晚7點播出。
(#) 要開一個節目: 有監製、導演、搜集資料、編劇、劇本、對白、演員、攝影師、收音師、燈光師、器材管理、埸務、現埸裝置、接駁電力、服裝、化妝、剪接師、配樂、視覺特效、字幕、翻譯 (如需要)、尋找檔案、備份、技術支援(通常包括埋: 網絡傳遞工序)、現場交通等。
呢個宣傳片: 除交通/制服/道具外，都係我一個人做齊，當然要刪除上面一啲既工種啦。
(*): 節目製作: 年頭要講好有乜工作量、邊一個工種需要乜既數量去分配製作人手。
8. 呢個工作預計要拍 6 個半晝，期間亦要不停剪片。
因為起步既一刻，故事都好模糊，無人話事；應該係要剪好一初稿片，VIP 級人馬先至有意見既。
拍完收隊返屋企，我即刻盡快剪一個有齊料既初版 (俗稱 Version 0)，俾大家睇 (特別係未拍既組員都話要睇)，收集大家意見。
9. 為表誠意：宣傳片所有既配樂，都係我用iPad既Garage Band 創樂軟件配製既。
觀眾其實係唔會知：邊個做配樂，定係用免費音樂既。
Anthony Cheung KK (74F5): 37年從事電視節目剪接(由16 mm film、錄影帶至電腦剪接) 及製作資源管理人員經驗。
高瞻行 Walk In Unity 網上步行籌款 (高主教書院65週年紀念活動)宣傳影片(全版)
RAA Youtube Channel 攝製了超過120條影片: https://www.youtube.com/@raimondialumniassociation
This post is completed by Anthony Cheung (74).
Comments